المساهمات : 50 تاريخ التسجيل : 12/10/2008 العمر : 36
موضوع: فضــايحي حصـريـاّ new 2008 الأربعاء أكتوبر 15, 2008 6:41 pm
فضــايحي حصـريـاّ new 2008
ياحبكم للفضايح 7 7 7 7 7 7 7 إليكم قصتي في مرة من المراريت >> أسلوب لغوي إبتكرته بهدف تضخيم المبالغه ؟؟؟؟؟ كنت أجول شوارع الرياض بجيبي الباترول وخلوني أوصفه لكم طبعا لونين أحمر وفضي ومن الداخل اللون يغلب عليه الاحمرار ولمبة الكنسول أحمر (الولد حبيب ) والمراتب جواعد وبين هذه المراتب (( كشن)) وفيه أشرطتي وتحتوي على عيسى الاحسائي *بشير شنان * بدر الغريب * رجاء بلمليح * حجاب *مزعل فرحان إبراهيم الجيش * هيفاء وهبي >>> الاخيره ماهي راكبه صح ... ماعلينا بالاضافه إلى ذلك فواتير الجوال والتليفون وإشتراكات مقهى الانترنت الشهريه المهم كنت أتمشى أنا ودحومي وهذولي .. نجوب الشوارع طولا وعرضاً... وإنتهى بنا المطاف عند الاشارة .. وقفنا عندها لانها حمرا .. كنا مشغلين أغنية ميحد حمد أبش لك من القلب بشاش ... إليت من عقب المطاريش حيث إن شوفك إليه إنعاش... تروي ضماي من التعطيش وأنا مسرح مع الاشاره (اللي يجي عدها تنازلي ) إلا دحومي قاعد يقول : ياليتني ماصدفت إصغير السني .. وضليت في ماقفي حتى تعداني وهذولي رد يقول: ياليتني طفل حتى الزين ينقلني ..وأصيح ..وأسكت إلياما الحضن خلاني قلت : ياولد إنت وياه وش بلاكم . قالوا شوف الكائن اللي على يسارك إلا وهذا جمس ملكي وفي المرتبه اللي بالخلف أربع بنات واللي بجنب الباب تطالع وتقشني بالزينون ( يعني يوم أرخت هدبها ).. وتعالوا شوفوا حالتي إرتفاع درجه الحراره و القلب زاد نبضه شوي ويقطع عروق الدم من شدة المنظر وألحين إنبلشت كيف أعلمها أننا ضقنا ذرعا من سهوم عيونها فكرت وفكرت و ... وهي أسحب جلنط الجيب وهو واقف .. وأحطه بالاول وأهز الجيب ( والبترول مايحتاج ) فهذه تعني إننا بنشرنا عندها .. شوي يوم طلعت الجوال ... قلنا بس اللحين ترسل لنا بلوتوث ... (وهي والله مادرت عنا شكلها قاعده تسجل رقم مشغل نسائي ) وفي هذه الاثناء الحاسمه ولعت الاشارة الخضرا وأنطلقت الجياد قصدي السيارات وقالوا العيال الجمس لا يبعد عشان ماينقطع إرسال البلوتوث ( لاننا كلنا أمل في رساله منها) الجيب بلوفه ماتعوذ من الشيطان .. وطرد ورى الجمس .. والسواق حقهم ماهوا صاحي المهم وراه (بغى يروح ضحية هذه المطاره باكستاني هو وسيكله .. بس الله ستر ) ودخلنا شارع زحمه وصارت السيارات بيننا وبين الملكي وحنا مقبلين على الاشاره ونقطعها شوي وإلا الدوريه ورانا على جنب ياراعي الباترول .. ونزلنا نبي نتفاهم مع العسكري بس طلع جيزاني شكله مهب شكل واحد يبي يتفاهم قال الرخصه والاستماره وألحقنا على القسم المهم وأنبطح بالتوقيف (ذبحني النامس) والعيال يروحوا ( والبنت ولا درت عني ) بس لي الله المهم ولا هاذي جيت جارنا ابو ناصر .. هو شغال بالمرور وشاف أسمي في قائمة الموقوفين وجاني وقال لي وش اللي جابك يا ولد ابوة هنا .. قلت كان معي واحد من العيال مكسوره رجله وفزعت به للمستشفى وقطعت الاشارة قال خلاص ألحين أكلم الملازم وأنشاء الله تطلع الــــــــــــــــــــــــــــ ـــــــــمــــــهـــ ــــــــــــــــــــــــــــــ ـــــــــــــــــــ ــــــــــــــــــــــــــــــ ــــــــم وأروح البيت إلا وهاذي أمي تقول يا ولد ابوة ودنا للسوق قلت قولي لمشاري يوديكم .. قالت مشاري وأبوك ماهم فيه ( عاد وش أسوي أمي وغاليه عندي.... رغم أني أكره الاسواق كره العمى ) المهم ورحنا للسوق ضاع أخوي الصغير فهودي ورحت أدوره ولقيته وشفت وحده بالسوق أحسبها من أهلي وقاعده تقلب دبدوب ... وأنا جاي (( منقهر على فهودي لو تصب على راسي مويه تشوف بخار )) المهم وأنا أمسك الدب من يدها وأطشه وقلت صدق بنات فاضيه.. يالله قدامي البنت المسكينه ماتدري وش هالغبي اللي (جايها) وطلعت على راسها علامة إستفهام كبيره؟؟؟؟ شوي إلا وأبوها جاي > زحفان يمديك ع الاسلوب هههههههههه المهم قالي ابوهم ..؟ ألا ياللي ماتستحي .... ألا ياقليل الادب .... الا ... الالالالال المهم في هذي اللحظه أدركت أنهم ماهم أهلي ...... و جهي يضرب سبع ألوان أبي أعتذر ... ولا ماينفع ..... وياالله أصحاب المحل يفكونا من بعض وقلت توبه .. من هالنوبه ... ما عاد أجي للسوق وتمضي الايام الشهور......... ويتصل علي عمي احمد وقال تروح تجيب عمتك من الكليه قلت : مامعي سياره قال : مر البيت وخذ الفورد المهم وأخذ السياره وأجيك منطنخ بالماركيز لكلية البنات ..... وأوقف أنتظر شوي ولا البنت يوم ركبت ورى ... ولا تكلمت طالعت بالمرايه وقلت ...... ماشاء الله وين السلام إلا يوم قامت تصارخ ..... وأنا والله مدري وش السالفه الأبواب الخلفيه موضوعه على أمان الاطفال ( تفتح الباب من الخارج بس ) ولما سمعت الهيئه الصراخ جو مسرعين وينزلوني من السياره ويركبوني بالجيب وكانوا متحمسين الظاهر لهم مده ما مسكوا أحد > الله ياخذ هالهيئه وربي ناشبه لي بس البنت طلعت بنت ناس وقالت أنا غلطت بالسياره وتعدي ســـــــــلامات ومن يومها إتخذت قراراً جازماً لا رجعة فيه توبه عن طرد هوى كل عذرى ومزيونه انتهاااااء رجاّ لاحد يتشمت ويجلس يضحك خخخخ
الأربعاء أكتوبر 15, 2008 6:41 pm